30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Վերջին շաբաթվա ընթացքում ՌԴ-ի դերն արդյունավետ չի եղել Լեռնային Ղարաբաղում իրավիճակի հարցում․ Միլլեր
Քաղաքականություն
28.09.2023 | 13:48
Վերջին շաբաթվա ընթացքում ՌԴ-ի դերն արդյունավետ չի եղել Լեռնային Ղարաբաղում իրավիճակի հարցում։ Այս մասին ճեպազրույցում հայտնել է ԱՄՆ Պետքարտուղարության խոսնակ Մեթյու Միլլերը։
«Անշուշտ, չեմ կարծում, որ Ռուսաստանն արդյունավետ դեր է կատարել վերջին շաբաթվա ընթացքում։ Մենք երբեմն տեսել ենք, որ որոշ դեպքերում նրանք նպաստել են բանակցություններին, և մենք դա ողջունել ենք, սակայն, անշուշտ, վերջին շաբաթվա ընթացքում նրանց դերն արդյունավետ չի եղել այս իրավիճակում», – ասել է պաշտոնյան։
Նա նաև անդրադարձել է ՀՀ-ի և Ադրբեջանի միջև բանակցություններում ԱՄՆ դերակատարությանը։
«Մենք բանակցություններ ենք վարել։ Պետքարտուղարն ուղիղ զրույցներ է ունեցել Ադրբեջանի նախագահի, Հայաստանի վարչապետի հետ։ Մենք ունեցել ենք մի շարք պաշտոնյաների ճանապարհորդություն տարածաշրջան, ոչ միայն ռազմական գործողությունների սկսվելուց հետո՝ անցյալ շաբաթվա կամ 10 օրվա ընթացքում, այլև ամիսներ առաջ: Մենք արել ենք ամեն ինչ, որպեսզի հետամուտ լինենք դիվանագիտությանը, բայց, ի վերջո, հիշեք, որ սա երկու կողմերի խնդիրն է՝ տարաձայնություններ ունեցող կողմերի: Մենք կարող ենք անել ամեն ինչ՝ նրանց դրդելու համար, բայց, ի վերջո, նրանք պետք է համաձայնեն խոսել, և նրանք պետք է համաձայնեն, որ գան լուծման ինչ-որ բանաձևի: Դա այն է, ինչ մենք պատրաստվում ենք անել, այն է, որ շարունակենք խաղալ մեր դերը»,- ասել է Միլլերը:
Ամերիկացի պաշտոոնյան նաև անդրադարձել է Ադրբեջանի կողմից Լեռնային Ղարաբաղի նախկին պետնախարար Ռուբեն Վարդանյանի ձերբակալությանը՝ նշելով․ «Մենք տեղյակ ենք ձերբակալության մասին։ Ուշադիր հետևում ենք իրավիճակին»։
