26.06.2026 | 08:14
ԱԱ-2026. ԱՄՆ-ը պարտվեց գոլառատ խաղում, Ավստրալիան փլեյ-օֆֆում է. ՏԵՍԱՆՅՈՒԹ
Ռուսական քարոզչամեքենայի լրագրողների ու փորձագետների դռների մոտ խոզի գլուխներ են հայտնաբերել
Քաղաքականություն
27.09.2023 | 23:30
Ռազմական փորձագետ Կոնստանտին Սիվկովինի, ՏԱՍՍ-ի աշխատակից Միխայիլ Տերեշչենկոյի և քաղաքագետ Տիմոֆեյ Սերգեյցևի դռների մոտ խոզի կտրված գլուխներ են նետել, գրում է Meduza-ն։
Սեպտեմբերի 26-ին ՌԻԱ Նովոստի կայքում հրապարակված Ուկրաինայի «ապաուկրաինացման» անհրաժեշտության մասին սյունակի հեղինակ Սերգեյցևն իր տան դռան մոտ խոզի գլուխ է հայտնաբերել։ Նա դիմել է ոստիկանություն՝ ասելով, որ բազմիցս սպառնալիքներ է ստացել հեռախոսով և նամակներով։
Այնուհետև խոզի գլուխ հայտնաբերելու մասին խոսել է Սիվկովը։ Նա բնակարանի դռան մոտ խոզի գլուխ է գտել սեպտեմբերի 19-ին: Սիվկովի նույնպես հայտնել է սպառնալիքներով զանգերի մասին։
Լրատվամիջոցների տվյալներով՝ դարձյալ սեպտեմբերի 19-ին Տերեշչենկոն նույնպես խոզի գլուխ է գտել։ Խուզարկության ժամանակ հայտնաբերվել է ևս չորս փաթեթ՝ խոզի գլուխներով։ ՏԱՍՍ-ը և Տերեշչենկոն դեռևս հրապարակավ չեն մեկնաբանել այս մասին հաղորդումները։
Էմմա Չոբանյան
