24.02.2026 | 10:37
ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի հանձնաժողովի նիստ․ ՈՒՂԻՂ
ԼՂ-ից տեղահանվածների և փախստականների իրավունքները պետք է պաշտպանվեն, այդ թվում՝ վերադարձի․ ՄԱԿ-ի Մարդու իրավունքների հանձնակատար
Քաղաքականություն
27.09.2023 | 18:34
ՄԱԿ-ի Մարդու իրավունքների գերագույն հանձնակատար Վոլկեր Տյուրկը հայտարարություն է տարածել Արցախում ադրբեջանական ագրեիայի հետևանքով ստեղծված իրավիճակի առնչությամբ։
«Ես մտահոգությամբ եմ հետևում զարգացող և փխրուն հումանիտար իրավիճակին։ Կարևոր է, որ էթնիկ հայ բնակչության իրավունքները պաշտպանված լինեն տեղում, և բոլոր գործողությունները հիմնված լինեն միջազգային իրավունքի վրա: Բոլոր քաղաքացիական անձանց պաշտպանությունը պետք է լինի բացարձակ առաջնահերթություն։ Տուժածներին պետք է հասանելի լինի մարդասիրական օգնությունը։ Ներքին տեղահանվածների և փախստականների իրավիճակում հայտնված անձանց իրավունքները պետք է լիովին պահպանվեն, այդ թվում՝ ապահովելով, որ նրանք կարողանան օգտվել անվտանգ և արժանապատիվ վերադառնալու իրենց իրավունքից։ Կոչ եմ անում նաև պատշաճ ուշադրություն դարձնել անհետ կորածների մասին հաղորդումներին»,- ասվում է հայտարարության մեջ։
Նշվում է նաև, որ մարդու իրավունքների կամ միջազգային մարդասիրական իրավունքի ցանկացած խախտման համար անհրաժեշտ է հետաքննություն, ներառյալ՝ արագ, անկախ և թափանցիկ հետաքննություն՝ զոհերի պատասխանատվությունն ու փոխհատուցումն ապահովելու համար՝ ըստ անհրաժեշտության:
«Պետությունները պարտավոր են չմերժել էթնիկ, կրոնական կամ լեզվական փոքրամասնություններին սեփական մշակույթը վայելելու, սեփական կրոնը դավանելու և սեփական լեզուն օգտագործելու իրավունքը: Յուրաքանչյուր պետություն պետք է նաև պաշտպանի իր տարածքում փոքրամասնությունների գոյությունն ու ազգային կամ էթնիկական, մշակութային, կրոնական և լեզվական ինքնությունն ու խրախուսի նման ինքնության խթանման համար պայմանների ստեղծումը»,- ասվում է ՄԱԿ-ի Մարդու իրավունքների գերագույն հանձնակատարի հայտարարությունում։
Էմմա Չոբանյան
