Քաղաքականություն
27.09.2023 | 16:03
ԱՄՆ միջազգային զարգացման գործակալության (ՄԶԳ) տնօրեն Սամանթա Փաուերն այսօր ժամանել է Բաքու։ Այս մասին ասված է USAID-ի պաշտոնական կայքում հրապարակված հաղորդագրությունում։
«Սամանթա Փաուերն այսօր ժամանել է Ադրբեջանի մայրաքաղաք Բաքու: Նա կհանդիպի նախագահ Իլհամ Ալիևի հետ՝ քննարկելու Լեռնային Ղարաբաղում հումանիտար իրավիճակը և այդ կապակցությամբ Ադրբեջանի ստանձնած պարտավորությունների կատարման կարևորությունը։ Փաուերին միացել է ԱՄՆ պետքարտուղարի Եվրոպայի և Եվրասիայի հարցերով օգնականի պաշտոնակատար Յուրի Քիմը»,- ասված է հայտարարության մեջ։
Տեղեկացվում է, որ իր այցի ընթացքում Փաուերը նաև կանդրադառնա Ադրբեջանի և Հայաստանի միջև կայուն ու արժանապատիվ խաղաղության հեռանկարներին՝ հիմնված միմյանց տարածքային ամբողջականության և ինքնիշխանության նկատմամբ փոխադարձ հարգանքի վրա։
