24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Հաջիևը հակասել է Ալիևին՝ հայտարարելով, թե Արցախում միջազգային դիտորդական առաքելության կարիք չկա
Քաղաքականություն
27.09.2023 | 19:09
Ադրբեջանի նախագահ Իլհամ Ալիևի օգնական Հիքմեթ Հաջիևը հայտարարել է, թե Բաքուն Լեռնային Ղարաբաղի հարցում միջազգային դիտորդական առաքելության անհրաժեշտություն չի տեսնում, գրում են ադրբեջանական լրատվամիջոցները։
«Ոչ մի միջազգային դիտորդական առաքելության կարիք չկա, քանի որ իրողությունները տեղում ակնհայտ են։ Ադրբեջանը թաքցնելու ոչինչ չունի»,- ասել է Հաջիևը DW-ի հետ հարցազրույցում։
Նա նշել է, որ «Ադրբեջանը միշտ դեմ է եղել ցանկացած աշխարհաքաղաքական մրցակցության Հարավային Կովկասում»։
Հավելենք՝ ավելի վաղ ԱՄՆ Պետքարտուղարության խոսնակ Մեթյու Միլլերը հայտարարել էր, որ պետքարտուղար Էնթոնի Բլինքենի հետ հեռախոսազրույցում Ալիևը համաձայնել է Արցախում միջազգային առաքելությանը։
Էմմա Չոբանյան
