29.10.2026 | 20:24
ՌԴ ռազմական դատարանը ՀՀ քաղաքացուն դատապարտել է 9,5 տարվա ազատազրկման՝ ԼՂ-ի պատճառով հակառուսական մեկնաբանությունների համար
Արթուր Ոսկանյանը հեռացել է ՀՖՖ տեխնիկական կենտրոն ֆուտբոլի ակադեմիայի սպորտային տնօրենի պաշտոնից
27.09.2023 | 11:30
Հայաստանի ֆուտբոլի Մ19 տարեկանների ազգային թիմի նախկին գլխավոր մարզիչ Արթուր Ոսկանյանը հեռացել է ֆուտբոլի ակադեմիայի սպորտային տնօրենի պաշտոնից․ այս մասին ֆեյսբուքյան իր էջում գրել է Ոսկանյանը:
«Այսօր երկկողմ համաձայնությամբ խզվել է պայմանագիրս Ավանի Տեխնիկական կենտրոն ֆուտբոլի ակադեմիայի հետ։ Խորին շնորհակալությունս եմ հայտնում ՀՖՖ-ին և Ավանի Տեխնիկական կենտրոն ֆուտբոլի ակադեմիային՝ վստահության և համատեղ ութ ամիսների լավ աշխատանքի համար։ Շնորհակալություն եմ հայտնում Ակադեմիայի ամբողջ աշխատանքային անձնակազմին, մարզիչներին, ֆուտբոլիստներին, ծնողներին։ Հուսով եմ՝ այս կարճ ժամանակահատվածում կարողացա իմ փորձն ու գիտելիքները փոխանցել մարզիչներին և ֆուտբոլիստներին»,-գրել է նա:
Արթուր Ոսկանյանը մարզչական կարիերայի ընթացքում աշխատել է Հայաստանի մինչև 17, 19 և մինչև 21 տարեկանների հավաքականներում: Նա գլխավորել է նաև Երևանի «Բանանց» (խմբ. ներկայում «Ուրարտու») ակումբը՝ 2016/17 թվականներին:
