Քաղաքականություն
27.09.2023 | 11:36
ԱՄՆ նախկին նախագահ Դոնալդ Թրամփը մեղավոր է ճանաչվել խարդախության մեջ՝ կապված իր ակտիվների արժեքի և կարողության չափի ապօրինի ուռճացման մեջ՝ ավելի շահավետ պայմաններով վարկեր ստանալու նպատակով, գրում է DW-ն։
Այս որոշումը երեքշաբթի օրը՝ սեպտեմբերի 26-ին, կայացրել է Նյու Յորք նահանգի դատարանի դատավոր Արթուր Էնգորոնը։ Քաղաքացիական հայցը 2022 թվականի սեպտեմբերին ներկայացրել էր նահանգի գլխավոր դատախազ Լետիտիա Ջեյմսն ընդդեմ պետության նախկին ղեկավարի և նրա երեք ավագ երեխաների՝ Էրիկ Թրամփի, Դոնալդ Թրամփ կրտսերի և Իվանկա Թրամփի։ Իվանկա Թրամփի դեմ գործը կարճվել է։
Ըստ դատարանի վճռի՝ 2011-ից 2021 թվականներին Trump Organization-ն իր ակտիվների արժեքը միլիարդավոր դոլարներով ուռճացրել է՝ վարկերի և ապահովագրության բարենպաստ պայմաններ ապահովելու կամ պահպանելու համար: «Նման խարդախությունը մեղադրյալներին թույլ է տվել հարյուր միլիոնավոր դոլարներ ձեռք բերել անօրինական խնայողությունների և անօրինական շահույթների միջոցով»,- ասված է հրապարակված որոշման մեջ:
Հիմնական դատավարությունը պետք է սկսվի հոկտեմբերի 2-ին ու որոշվի վնասի այն չափը, որը պետք է փոխհատուցի ամբաստանյալը, հայտնում է Reuters-ը։
