15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Բլինքենն ու Ալիևը քննարկել են Լեռնային Ղարաբաղում իրավիճակը
Քաղաքականություն
26.09.2023 | 22:22
Պետքարտուղար Էնթոնի Բլինքենը հեռախոսազրույց է ունեցել Ադրբեջանի նախագահ Իլհամ Ալիևի հետ։ Բլինքենը կոչ է արել ապահովել Լեռնային Ղարաբաղի բնակիչների անվտանգությունն ու ազատ տեղաշարժը, պահել ռազմական գործողությունները չվերսկսելու խոստումը և թույլ տալ ԼՂ դիտորդների առաքելության մուտքը, «ՌԻԱ Նովոստի»-ի փոխանցմամբ՝ հայտարարել է Պետքարտուղարության պաշտոնական ներկայացուցիչ Մեթյու Միլլերը:
«Պետքարտուղարն այսօր կրկին խոսել է նախագահ Ալիևի հետ և ընդգծել հետագա ռազմական գործողությունների անթույլատրելիությունը, անվտանգության անվերապահ ապահովման, քաղաքացիական բնակչության տեղաշարժի ազատության և Լեռնային Ղարաբաղ անարգել մարդասիրական մուտքի անհրաժեշտությունը»,- նշել է Միլլերը:
Բլինքենն Ալիևին հիշեցրել է այլևս ռազմական ուժի չդիմելու և դիտորդական առաքելություն ընդունելու իր խոստումները:
«Ակնկալում ենք, որ նա հավատարիմ կմնա իր խոստմանը», – ասել է Միլլերը:
