07.10.2026 | 16:50
Դատական դեպարտամենտը չի կատարել դատարանի վճիռը․ դատավորին չվճարված գումարը կբռնագանձվի
Ռուսաստանը Ղարաբաղում միակ հաղթողն է․ Կարո Փայլան
Քաղաքականություն
26.09.2023 | 22:00
Թուրքիան վերջին տարիներին ակամայից ուժեղացրել է Ռուսաստանի տարածաշրջանային հեգեմոնիան Հարավային Կովկասում՝ աջակցելով Ադրբեջանին ընդդեմ Հայաստանի։ Այս մասին հայտարարել է Թուրքիայի հայազգի նախկին պատգամավոր Կարո Փայլանը։
Փայլանը լրատվամիջոցներից մեկին տված հարցազրույցում հայտարարել է, որ Ադրբեջանի և Հայաստանի միջև պատերազմում միակ հաղթողը Ռուսաստանն է, և թուրքական կառավարության շատ բարձրաստիճան պաշտոնյաներ նույնպես դա խոստովանել են իր հետ առանձին զրուցներում:
Նա նշել է, որ Թուրքիան պետք է դուրս գա էթնիկ սահմաններից և նպաստի իր փոքր հարևան երկրների՝ Ադրբեջանի և Հայաստանի միջև խաղաղությանը։ Փայլանն ասել է, որ Թուրքիան «առանցքային երկիր» է, բայց չի գիտակցում իր դիրքորոշումը, նաև մատնանշել, որ Թուրքիայի հեգեմոնիան տարածաշրջանում կավելանա այն սցենարի դեպքում, երբ նա առաջ քաշի լուծման քաղաքականություն։
«Սակայն, ցավոք, Թուրքիան խնդրին նայում է էթնիկ շրջանակում և մոռանում, որ Թուրքիան ունի նաև Հայաստանի քաղաքացիներ, ինչպես նաև Ադրբեջանի քաղաքացիներ: Ռուսաստանն ունի քաղաքականություն, որը պահպանում է իր հեգեմոնիան տարածաշրջանում՝ հիմնված խնդրի լուծման բացակայության վրա»,- նշել է նախկին պատգամավորը։
Նա ընդգծել է Թուրքիայի առանցքային դերը Կովկասում՝ կոչ անելով գիտակցել այդ դերը տարածաշրջանում արագ խաղաղություն հաստատելու համար։
Էմմա Չոբանյան
