06.08.2026 | 12:51
Արամ Վարդևանյանը որոշել է՝ չի վերադառնալու փաստաբանական գործունեությանը․ ՏԵՍԱՆՅՈՒԹ
Արդեն 2500-ից ավելի մարդկանց ապահովել ենք կեցավայրերով․ Տիգրան Խաչատրյան․ ՏԵՍԱՆՅՈՒԹ
26.09.2023 | 16:39
ՀՀ կառավարության «Հումանիտար կենտրոն»-ի աշխատանքները համակարգող,փոխվարչապետ Տիգրան Խաչատրյանը և վարչապետի մամուլի քարտուղար Նազելի Բաղդասարյանը ներկայացնում են Լեռնային Ղարաբաղից բռնի տեղահանվածներին ցուցաբերվող աջակցության աշխատանքների ընթացքը:
Վերջին 3 օրերի ընթացքում ԼՂ–ից բռնի տեղահանված ավելի քան 2500 մարդ ՀՀ–ում ապահովվել է կացարանով։ Այս մասին ասուլիսի ժամանակ հայտարարեց ՀՀ փոխվարչապետ Տիգրան Խաչատրյանը։ Նա նաև հայտնեց, որ նրանցից մոտ 1000–ը բնակեցվել են Սյունիքի մարզում, 500–ը Վայքում են, ևս 500–ը` Գեղարքունիքի մարզում։
«Այս պահին ընթանում է նաև մնացած մասի տեղավորումը Տավուշի մարզի հյուրատներում և հյուրանոցներում»,– ասաց Խաչատրյանը։
ՀՀ փոխվարչապետը հավելեց, որ Գորիս ժամանած մարդկանց տրամադրվում են նաև առաջին անհրաժեշտության պարագաներ ու սնունդ, բայց հաշվի առնելով մարդկանց մեծ հոսքը` այս գործըթացը բավական բարդ է ընթանում․ «ՀՀ սահմանը հատած մարդկանց մեծամասնությունն ասել են, որ ունեն իրենց բնակության վայրերը Հայաստանում ու չունեն կառավարության օգնության կարիքը, մենք չենք առարկել»,– ասաց նա։
Տիգրան Խաչատրյանի խոսքով՝ այս պահի դրությամբ ԼՂ–ից Հայաստանի Հանրապետություն է եկել 19 000 քաղաքացի։
Մանրամասները՝ տեսանյութում։
