07.10.2026 | 23:48
Արթուր Դանիելյանը կալանավորվեց
Ռաիսին ու Պուտինը քննարկել են Արցախում ստեղծված իրավիճակը
Քաղաքականություն
26.09.2023 | 16:43
Իրանի նախագահ Էբրահիմ Ռաիսին և ՌԴ նախագահ Վլադիմիր Պուտինը հեռախոսազրույց են ունեցել։ Կրեմլի հաղորդագրության համաձայն՝ զրույցը տեղի է ունեցել իրանական կողմի նախաձեռնությամբ։
Քննարկման առանցքում եղել է նաև Արցախում տիրող իրավիճակը։
«Մտքերի հանգամանալից փոխանակում է տեղի ունեցել Լեռնային Ղարաբաղում ստեղծված իրավիճակի, Ադրբեջանի և Հայաստանի միջև հարաբերությունների կարգավորման հարցի շուրջ։ Վլադիմիր Պուտինը տեղեկացրել է ռուսական խաղաղապահ զորախմբի գործունեության, այդ թվում՝ խաղաղ բնակչությանը մարդասիրական օգնության տրամադրման, Լեռնային Ղարաբաղի հայ բնակչության իրավունքների և անվտանգության պաշտպանության մասին»,- ասվում է հաղորդագրության մեջ։
Նշվում է, որ «Ռուսաստանի և Իրանի նախագահներն ընդգծել են բոլոր հարցերը բացառապես խաղաղ, քաղաքական և դիվանագիտական ճանապարհով լուծելու կարևորությունը, փոխադարձ հետաքրքրություն է արտահայտվել «3+3» խորհրդատվական տարածաշրջանային ձևաչափի (Ադրբեջան, Հայաստան, Վրաստան և Ռուսաստան, Իրան, Թուրքիա) աշխատանքների ակտիվացման հարցում»։
Քննարկվել են նաև երկկողմ օրակարգի հարցեր։
Էմմա Չոբանյան
