07.09.2026 | 19:32
Առողջության համընդհանուր ապահովագրության հիմնադրամի գլխավոր տնօրենի պաշտոնի համար կանցկացվի նոր մրցույթ
Թուրքիան 1.5 մլրդ դոլար եկամուտ է ստացել «T-129 Atak» ուղղաթիռների վաճառքից
Քաղաքականություն
19.07.2018 | 23:00
Թուրքիայի արտահանման ծավալների վրա զգալի ազդեցություն է ունեցել թուրք-պակիստանյան պայմանագիրը՝ «T-129 Atak» հարվածային ուղղաթիռների վաճառքի շուրջ։
Այս համաձայնագրի կնքմամբ ի կատար ածվեց մեկանգամյա արտահանման տեսանկյունից Թուրքիայի պատմության ամենախոշոր ռազմարդյունաբերական գործարքը:
Ըստ պայմանագրի՝ Թուրքիան 30 միավոր «T-129 Atak» ուղղաթիռներ է վաճառելու Պակիստանին։ Գործարքի արժեքը կազմել է 1.5մլրդ դոլար։
Գործարքը Թուրքիայի 2017թ. արտահանման ծավալների մեկ տոկոսն է կազմել։ 2017-ին Թուրքիայի արտահանման ընդհանուր ծավալը 157մլրդ դոլար էր կազմել։
Համաձայնագրով Թուրքիայի աերոտիեզերական արդյունաբերական ընկերությունը, որի հետ էր կնքվել պայմանագիրը, բացի վաճառքից ապահովելու է նաև բեռնափոխադրումների, պահեստամասերի մատակարարումը և տեխնիկական անձնակազմի վերապատրաստման կուրսերի անցկացումը:
Հիշեցնենք, որ «T-129 Atak» հարվածային ուղղաթիռներն արտադրվել են Թուրքիայի զինված ուժերի պատվերով, թուրքական և իտալական ռազմարդյունաբերական ընկերությունների համատեղ ջանքերով՝ հիմք ունենալով իտալական Agusta A129 ուղղաթիռների մոդելը:
«T-129 Atak» ուղղաթիռների վրա դրված է ժամանակակից համակարգ, որը թույլ է տալիս ավելի արագ հայտնաբերել թիրախը և ոչնչացնել։ Կարող են օդում մնալ 2.5 ժամ, անցնել 270կմ տարածք։ «T-129 Atak»-ը հնարավորություն ունի թռչել չափազանց ցածր բարձրության վրա և իրականացնել բարդ խուսանավումներ։
Աղբյուրը՝ ermenihaber.am
