15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
ՌԴ գիշերային հրետակոծության հետևանքով ոչնչացվել է Ռումինիայի հետ սահմանին Ուկրաինայի միակ լաստանավային անցակետը
Քաղաքականություն
26.09.2023 | 13:49
Ուկրաինայի պետական սահմանային ծառայությունը BBC-ին հաստատել է Օդեսայի շրջանում ռուսական գիշերային գնդակոծության հետևանքով Ռումինիայի հետ սահմանին գտնվող «Օռլովկա» անցակետի ոչնչացումը։ Տեղեկացվում է նաև երկու վիրավոր վարորդների մասին։
Անցակետի ենթակառուցվածքի ոչնչացման պատճառով դրա աշխատանքը ժամանակավորապես դադարեցվել է։
Ուկրաինայի սահմանային ծառայությունը խորհուրդ է տալիս սահմանը հատելու համար առայժմ օգտագործել «Ռենի» ավտոմոբիլային անցակետը։
«Օռլովկան» միակ լաստանավային անցակետն է Ռումինիայի հետ սահմանին, որից օգտվում են բեռնատարների վարորդները։ «Ռենի» ավտոմոբիլային անցակետը գտնվում է Մոլդովայի հետ սահմանին։
«Հարավ» հրամանատարության ներկայացուցիչ Նատալյա Գումենյուկը հայտնել է, որ Դանուբի մոտ մեքենաները հրդեհվել են սպասման և անցակետի գրանցման հատվածում։ Նրա խոսքով՝ սահմանը հատել պատրաստվող ավտոբուսի ուղևորները նույնպես վտանգի տակ են եղել։
Օդեսայի շրջանային ռազմական վարչակազմի ղեկավար Օլեգ Կիպերն ավելի վաղ հայտնել էր, որ ռուսական հարձակման արդյունքում վնասվել է անցակետի շենքը, պահեստները, մոտ 30 բեռնատար, ևս 6 բեռնատար հրդեհվել է:
