Պիտի ամեն ինչ անենք, որպեսզի երաշխավորենք այս անձանց իրավունքներն ու ապրելու հնարավորությունները․ ՏԵՍԱՆՅՈՒԹ

Արցախից բռնի տեղահանված մարդկանց անձնական իրավունքները՝ մասնավորապես կյանքի իրավունքն առավելապես բարձր պաշտպանության է ենթակա, բայց մյուս իրավունքներն էլ պետք է երաշխավորված լինեն։ Այս մասին Կոռնիձորում գտնվող հումանիտար կայանում լրագրողների հետ ճեպազրույցում նշեց ՀՀ ՄԻՊ Անահիտ Մանասյան Մանասյանը՝ վստահեցնելով, որ մի քանի ուղղությամբ աշխատանքներ են իրականացվում։

«Մենք այստեղ ենք բռնի տեղահանված անձանց իրավունքների պաշտպանության վիճակը  ոչ միայն դիտարկելու, այլ նաև պաշտպանության  գործընթացը փաստացի ստանձնելու նպատակով»,,- ասաց  ՀՀ ՄԻՊ-ը։

Հիշեցնենք, որ հենց այդ կայանում են Արցախից բռնի տեղահանված և Հայաստան տեղափոխված քաղաքացիները գրանցվում, կարիքների առաջնային գնահատում կատարվում։

Մանասյանը տեղեկացրեց, որ Արցախից բռնի տեղահանված անձանց իրավունքների պաշտպանության վիճակը ոչ միայն դիտարկում են, այլ նաև պաշտպանության գործընթացը փաստացի ստանձնեն։

«Մշտադիտարկման արդյունքում արձանագրված խնդիրների մասին արձանագրում ենք և իրավասու մարմինների ներկայացուցիչների հետ կապի մեջ ենք։

ԶԼՄ-ներին խնդրում ենք երեխաների նկարներ, տեսանյութեր հրապարակելիս երեխաների դեմքերը ցույց չտալ, որովհետև սա շատ կարևոր իրավունքի հարց է։

Բռնի տեղահանված անձանց հոգեբանական աջակցության խնդրի մասին ենք բարձրաձայնել։ Կան հոգեբաններ, որոնք արդեն աշխատում են այդ անձանց հետ։

Ինչ վերաբերում է երեխաների կրթության իրավունքին, նախ պետք է բնակության վայրի հարցը լուծել»,- նշեց Մանասյանը։

Մանրամասները՝ տեսանյութում։