07.10.2026 | 23:48
Արթուր Դանիելյանը կալանավորվեց
Պեսկովը հույս է հայտնել, որ Էրդողանի և Ալիևի հանդիպումը «կնպաստի Ղարաբաղում կյանքի կարգավորմանը»
Քաղաքականություն
25.09.2023 | 17:07
ՌԴ նախագահի խոսնակ Դմիտրի Պեսկովը հույս է հայտնել, որ Թուրքիայի և Ադրբեջանի ղեկավարներ Ռեջեփ Թայիփ Էրդողանի ու Իլհամ Ալիևի հանդիպումը «կնպաստի Ղարաբաղում անվտանգությանը և տարածաշրջանում կյանքի կարգավորմանը», գրում է ՌԻԱ Նովոստին։
«Ամեն անգամ մենք հույս ունենք, որ հանդիպումները, որոնք անցկացնում է Ադրբեջանի նախագահը, այդ թվում՝ Թուրքիայի նախագահի հետ, կնպաստեն տարածաշրջանում անվտանգությանը, Ղարաբաղում կյանքի կարգավորմանը տեղի ունեցածից հետո։ Սրանք են ակնկալիքները»,- ասել է Պեսկովը։
Նա նշել է, որ Թուրքիան և Ադրբեջանն ինքնիշխան պետություններ են ու իրագործում են համագործակցության զարգացման իրենց սուվերեն իրավունքը։
«Եվ մենք գիտենք, թե որքան սերտ են հարաբերությունները Բաքվի և Անկարայի միջև։ Մենք էլ մեր հերթին նույնքան սերտ հարաբերություններ ունենք ինչպես Անկարայի, այնպես էլ Բաքվի հետ»,- հավելել է Պեսկովը։
Հիշեցնենք, որ Էրդողանն Ալիևի հրավերով այսօր այցելել է Նախիջևան։
Էմմա Չոբանյան
