18.02.2026 | 23:04
Երևանում կրակոցների դեպքի առթիվ նախաձեռնվել է քրեական վարույթ. ՔԿ
ՌԴ ՊՆ-ի փոխանցմամբ՝ Արցախում խաղաղապահ զորախմբի ենթակայության տակ 715 խաղաղ բնակիչ կա, այդ թվում` 402 երեխա
Քաղաքականություն
24.09.2023 | 21:41
Ռուսական խաղաղապահ զորախմբի ենթակայության տակ շարունակում է մնալ 715 խաղաղ բնակիչ, այդ թվում` 402 երեխա։ Կազմակերպվել է նրանց տեղավորումը, ապահովվել է սնունդը և բուժօգնությունը։ Այս մասին հայտնում է ՌԴ ՊՆ-ն։
Հաղորդագրությունում նշվում է, որ ի կատարում ռազմական գործողությունների դադարեցման մասին ձեռք բերված պայմանավորվածությունների՝ Ղարաբաղի «զինված կազմավորումները» շարունակել են ռուս խաղաղապահների հսկողության տակ գտնվող զենքի և ռազմական տեխնիկայի հանձնումը։
«Սեպտեմբերի 24-ի դրությամբ՝ հանձնվել է վեց միավոր զրահատեխնիկա, ավելի քան 1200 միավոր հրետանային զենք, հակատանկային զենք, շուրջ 130 հազար զինամթերք»,- նշված է հաղորդագրությունում։
ՌԴ ՊՆ-ն նաև հայտնում է, որ խաղաղապահներն ապահովել են հումանիտար բեռների մատակարարումը խաղաղ բնակչությանը։ Ընդհանուր առմամբ, առաքվել է 125 տոննա սննդամթերք և 65 տոննա վառելիք։
