07.10.2026 | 23:48
Արթուր Դանիելյանը կալանավորվեց
Բլինքենը Փաշինյանի հետ հեռախոսազրույցից մանրամասներ է հայտնել
Քաղաքականություն
24.09.2023 | 00:51
ԱՄՆ պետքարտուղար Էնթոնի Բլինքենը X-ի (նախկինում Twitter) իր միկրոբլոգում անդրադարձել է ՀՀ վարչապետ Նիկոլ Փաշինյանի հետ ունեցած հեռախոսազրույցին՝ մտահոգություն հայտնելով ԼՂ բնակչության իրավունքների և անվտանգության պաշտպանության առնչությամբ։
«Ես այսօր զրուցել եմ Հայաստանի վարչապետ Փաշինյանի հետ՝ հայտնելու մեր մտահոգությունը Լեռնային Ղարաբաղի բնակչության իրավունքների և անվտանգության պաշտպանության առնչությամբ։ Միացյալ Նահանգները շարունակելու է իր հաստատուն աջակցությունը Հայաստանին և նրա ինքնիշխանությանը և տարածքային ամբողջականությանը»,- ասված է գրառման մեջ։
Ինչպես արդեն տեղեկացրել ենք՝ այսօր տեղի է ունեցել ՀՀ վարչապետ Նիկոլ Փաշինյանի և ԱՄՆ պետքարտուղար Էնթոնի Բլինքենի հեռախոսազրույցը։
ՀՀ կառավարության մամուլի ծառայության փոխանցմամբ՝ քննարկվել են Լեռնային Ղարաբաղում ստեղծված հումանիտար իրավիճակը, ԼՂ հայության իրավունքների և անվտանգության պաշտպանության օրակարգի հետ կապված հարցեր: Անդրադարձ է կատարվել նաև Հայաստան-Ադրբեջան խաղաղության գործընթացի հեռանկարներին, տարածաշրջանային անվտանգության, ինչպես նաև Հայաստան-ԱՄՆ երկկողմ օրակարգի հարցերի։
