15.09.2026 | 18:42
Վահան Բիչախչյանը մոտ է խաղադաշտ վերադառնալուն
Արթուր Ալեքսանյանը զիջեց աշխարհի առաջնության եզրափակչում
23.09.2023 | 21:57
Հունահռոմեական ոճի ըմբիշ, Օլիմպիական խաղերի ոսկե մեդալակիր, Եվրոպայի 6-ակի չեմպիոն Արթուր Ալեքսանյանն արծաթե մեդալ է նվաճել Բելգրադում ընթացող վարկանիշային ԱԱ-ում՝ 97 կգ քաշայինների եզրափակչում հավասար պայմաններում վերջին վայրկյաններին զիջելով Կուբան ներկայացնող Գաբրիել Կինդելանին (3:3)։
Ալեքսանյանը դեռ երեկ ապահովել էր Փարիզի 2024 թվականի Օլիմպիական խաղերի ուղեգիրը՝ 4 տպավորիչ հաղթանակներից հետո դուրս գալով եզրափակիչ։
Հայաստանի մյուս ներկայացուցիչ, աշխարհի ու Եվրոպայի բրոնզե մեդալակիր Սլավիկ Գալստյանը Բելգրադում ևս կպայքարի բրոնզե մեդալի, ինչպես նաև Օլիմպիական խաղերի ուղեգրի համար։ Աշխարհի առաջնության բրոնզե մեդալի և Փարիզ-2024-ի ուղեգրի համար կպայքարի նաև Գևորգ Ղարիբյանը (60 կգ):
Հիշեցնենք՝ Ըմբշամարտի աշխարհի չեմպիոն, Եվրոպայի կրկնակի չեմպիոն Մալխաս Ամոյանը Բելգրադում ընթացող աշխարհի վարկանիշային ԱԱ-ում բրոնզե մեդալ էր նվաճել։
