Հասարակություն
19.07.2018 | 15:35Փաստաբան Արա Զաքարյանը հեղափոխությունից հետո արդարադատության համակարգում որևէ փոփոխություն չի նկատում, քանի որ դատավորներից ոմանք շարունակում են գործերը քննել աննախադեպ խախտումներով։
Այս մասին այսօր հրավիրված մամուլի ասուլիսի ժամանակ, անդրադառնալով դատավոր Մնացական Մարտիրոսյանի կողմից քննվող գործերից մեկին, որը վերաբերում է իր պաշտպանյալ Արմեն Սարգսյանին, ասաց փաստաբանը․ «Մենք այս գործով որևէ փոփոխություն չենք տեսնում, և դատարանը ինչպես մինչ հեղափոխությունն էր կաշկանդված և կատարում էր Դատախազության պատվերը, այնպես էլ հեղափոխությունից հետո շարունակում է նույն կերպ գործել»։
Վերջինիս խոսքով՝ դատարանը ձևականորեն և առանց հիմնավորման մերժում է իր ներկայացրած միջնորդությունները, և ստացվում է այնպես, որ դատական ակտից բոլորը գոհ են, բացի արդարադատությունից։
Արա Զաքարյանը նշեց, որ այս գործը գալիս է փաստելու, որ Դատախազությունը շարունակում է դատարանի վրա ճնշում գործադրել կամ, գուցե, կան կոռուպցիոն սխեմաներ։
Մանրամասները՝ տեսանյութում։
