09.06.2026 | 12:10
Նորընտիր ԱԺ-ի առաջին նիստը՝ օգոստոսի 2-ին // ԵՄ-ն՝ ՀՀ-ի դեմ Մոսկվայի հիբրիդային հարձակումների մասին․ ԼՈՒՐԵՐ
Պավել Մանուկյանի աղմկահարույց հայտարարությունն անակնկալ էր շատերի համար, բայց այն գործին նոր ընթացք չի տա
Հասարակություն
19.07.2018 | 14:45
Երեկ «Սասնա ծռեր» խմբի անդամ Պավել Մանուկյանն աղմկահարույց հայտարարություն էր արել՝ ասելով, որ ոստիկաններից մեկի սպանությունը, որը մեղսագրվում է Արմեն Բիլյանին, իրականացրել է Էդվարդ Գրիգորյանը։ Իսկ բանկոմատի կողոպուտը, որը, ըստ մեղադրանքի հեղինակել է Սմբատ Բարսեղյանը, իրականացրել է Մխիթար Ավետիսյանը։
Ընդ որում, երեկ դատարանի դահլիճում գտնվող Էդվարդ Գրիգորյանն ու Մխիթար Ավետիսյանը հերքել էին Մանուկյանի ասածները, իսկ Վարուժան Ավետիսյանն էլ ասել էր, որ դա Պավել Մանուկյանի անձնական հայտարարությունն է։
Factor.am-ի հետ զրույցում Մանուկյանի փաստաբան Հարություն Բաղդասարյանը չցանկացավ մեկնաբանել կատարվածը, ասաց միայն, որ այդ հայտարարությունը գործին նոր ընթացք չի հաղորդի:
«Հայտարարությունը քրեական իրավունքի տեսանկյունից ապացույց չէ»,- ընդգծեց նա։
Փաստաբանը նաև տեղյակ չէր, թե արդյոք այս հայտարարությունը դարձել է «Սասնա ծռեր» խմբի անդամների տարաձայնության պատճառ։
«Հիմնադիր խորհրդարանի» մամուլի խոսնակ Սյուզան Սիմոնյանը ևս չցանկացավ մեկնաբանել, ասաց, որ իր համար ևս այդ հայտարարությունն անակնկալ էր, բայց կարծում է, որ դա չի կարող տարաձայնությունների առիթ դառնալ։
Լիլիթ Շաբոյան
