Նիկոլ Փաշինյանը դեռ պատասխան պետք է տա երեկվա արածի համար. Արա Պապյանն անդրադարձավ ՄԱԿ ԱԽ նիստին

«Այսօր անվտանգության հարցը և կենսապայմանների ապահովումն առաջնային է, և դրա վերաբերյալ միջազգային հանրությունն ունի հստակ մոտեցում՝ այն է՝ Ռուսաստանը չի կատարում իր խաղաղապահ առաքելությունը և կարիք կա միջազգային խաղաղապահների», – Ազգային ժողովրդական բևեռի հանրահավաքի ժամանակ ելույթ ունենալով՝ այս մասին նշեց ԱԺԲ խորհրդի անդամ Արա Պապյանը։

 Նրա դիտարկմամբ՝  ՄԱԿ Անվտանգության խորհրդում ելույթները հստակ ցույց տվեց, որ կա ջրբաժան պետությունների միջև․ «Ժողովրդավար երկրները  հանդես էին գալիս հայ ժողովրդի իրավունքների օգտին, իսկ ջրբաժանի մյուս կողմի երկրները՝ Ադրբեջանը, Թուրքիան, Ռուսաստանը հանդես են գալիս ադրբեջանական օրակարգով և խոսում ինտեգրացիայի մասին։ Իսկ ինտեգրացիան հայերի պարագայում նշանակում է ամբողջովին ենթակա Բաքվի իշխանություններին, նվաստացված ու առնվազն խտրականացված, էլ չեմ ասում, որ կյանքի վտանգի մշտական առկայությամբ»։

«Զարմանալի է ՀՀ իշխանությունների դիրքորոշումը․ չեն նշում մեղավորներին։

Բացի դրանից՝ ՝Նիկոլ Փաշինյանը երեկ հայտարարեց, թե ԼՂ բնակչությունն ուղղակի վտանգ չէ․ նման միտք ասելու համար մարդ կա՛մ պետք է կատարելապես ապուշ լինի, կա՛մ դավաճան։ Ես հակված եմ երկրորդ տարբերակին։ Ակնհայտ է, որ նրա խոսքն օգտագործելու էին մեր դեմ։ Եվ Ալիևն էլ ասաց՝ ի՞նչ է հեքիաթներ պատմում, երբ որ ձեր վարչապետն ասաց՝ ամեն ինչ ապահով է։

Նիկոլ Փաշինյանը դեռ պատասխան պետք է տա երեկվա արածի համար»,- նշեց Արա Պապյանը։

Մանրամասները՝ տեսանյութում։