24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Բոբ Մենենդեսին ու կնոջը մեղադրել են կոռուպցիայի մեջ․ նրա տնից ոսկու ձուլակտորներ և մի քանի հարյուր հազար դոլար կանխիկ գումար են հայտնաբերել
Քաղաքականություն
22.09.2023 | 20:41
Նյու Ջերսիից դեմոկրատ սենատոր Բոբ Մենենդեսին ուրբաթ 10 տարվա մեջ երկրորդ անգամ մեղադրանք է առաջադրվել կոռուպցիայի հետ կապված հանցագործությունների համար, փոխանցում է CNN-ը:
Մենենդեսը և նրա կինը՝ Նադին Արսլանյան Մենենդեսը, մեղադրվում են սենատորի ազդեցության դիմաց «հարյուր հազարավոր դոլարներ կաշառք ստանալու» մեջ՝ համաձայն նոր դաշնային մեղադրական եզրակացության։ Դատախազները պնդում են, որ կաշառքը ներառում է ոսկի, կանխիկ գումար, տների հիփոթեքի վճարումներ, շքեղ մեքենաներ:
Սա Արդարադատության նախարարության կողմից Մենենդեսի դեմ կոռուպցիոն մեղադրանքների երկրորդ խումբն է վերջին տասնամյակում։
Տեղեկացվում է, որ, մասնավորապես, սենատորն օգտագործել է իր ազդեցությունը միջազգային գործերում՝ ելնելով Եգիպտոսի կառավարության շահերից։ Ամուսինների տանը խուզարկությունների ժամանակ հայտնաբերվել են 100 հազար դոլար արժողությամբ ոսկու ձուլակտորներ, ինչպես նաև 480 հազար դոլար կանխիկ գումար:
Մենենդեսը Սենատում է 2006 թվականից։ Նա կարող է վերընտրվել հաջորդ տարի:
Սենատի կանոնները կստիպեն Մենենդեսին հեռանալ Արտաքին հարաբերությունների հանձնաժողովի նախագահի պաշտոնից, սակայն նա դեռևս կարող է աշխատել հանձնաժողովի կազմում:
