20.06.2026 | 11:36
Թրամփը ներկայացրել է Կատարի նվիրած 400 մլն դոլարանոց Air Force One ինքնաթիռը․ դեմոկրատներն այն կաշառք են որակել․ ԼՈՒՍԱՆԿԱՐՆԵՐ
Թբիլիսին «Ռոսիա» ավիաընկերությանը չի թույլատրում չվերթներ իրականացնել դեպի Վրաստան
Քաղաքականություն
22.09.2023 | 21:45
Վրաստանի Քաղաքացիական ավիացիայի գործակալությունն (CAA) արդեն երկու անգամ մերժել է ռուսական «Ռոսիա» ավիաընկերության դիմումը՝ դեպի վրացական քաղաքներ թռիչքներ իրականացնելու համար։ Մերժման պատճառ են դարձել Արևմուտքի պատժամիջոցները ռուսական մի շարք ավիաընկերությունների, այդ թվում՝ «Ռոսիա»-ի նկատմամբ, գրում է Նովոստի Գրուզիան։
Գերատեսչությունում պարզաբանել են, որ ռուսական ավիաընկերությանն առաջին անգամ մերժել են մայիսի 16-ին իրականացնել Մոսկվա-Թբիլիսի-Մոսկվա չվերթները։ Երկրորդ անգամ՝ սեպտեմբերի 14-ին, մերժումը վերաբերել է Մոսկվա-Թբիլիսի-Մոսկվա, Մոսկվա-Բաթումի-Մոսկվա և Սանկտ Պետերբուրգ-Թբիլիսի-Սանկտ Պետերբուրգ չվերթներին։
Ավելի վաղ «Ռոսիա»-ի կայքում հայտնվել էր տեղեկություն, ըստ որի՝ «Ռոսիա» ավիաուղիները հոկտեմբերի 14-ից կսկսի թռիչքներ իրականացնել դեպի Թբիլիսի՝ օրական երկու անգամ, իսկ Բաթումի՝ շաբաթական երեք անգամ։
ՌԴ նախագահ Վլադիմիր Պուտինի հրամանագրով մայիսի 15-ից հանվել են դեպի Վրաստան թռիչքների բոլոր սահմանափակումները։ Ներկայում Azimut և Red Wings ավիաընկերությունները թռիչքներ են իրականացնում դեպի Թբիլիսի, Բաթումի և Քութայիսի:
