16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ղրիմում ՌԴ Սևծովյան նավատորմի շտաբին հրթիռային հարված է հասցվել
Քաղաքականություն
22.09.2023 | 18:27
Սևաստոպոլի ղեկավար Միխայիլ Ռազվոժաևը հայտնել է, որ ուկրաինական բանակը հրթիռային հարված է հասցրել Ռուսաստանի Սևծովյան նավատորմի շտաբին, հայտնում է Meduza-ն։
«Լունաչարսկու թատրոնի մոտ բեկոր է ընկել։ Նման տարրեր հայտնաբերելու դեպքում խնդրում ենք չմոտենալ և զանգահարել 112։ Դեպքի վայր են ժամանել շտապօգնության բոլոր ծառայությունները։ Զոհերի մասին տեղեկությունները ճշտվում են»,-հայտնել է Ռազվոժաևը։
Նա կոչ է արել հանգստություն պահպանել ու չհրապարակել լուսանկարներ և տեսանյութեր։
Ըստ «112» տելեգրամյան ալիքի նախնական տվյալների՝ տուժել է 6 մարդ։
Լրատվամիջոցը գրում է, որ դատելով այն լուսանկարներից, որոնք արվել են Սևծովյան նավատորմի շտաբի վրա հարձակման վայրում, ավերվել են շենքի տանիքը և առնվազն վերին մեկ հարկը:
Էմմա Չոբանյան
