30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
ԼՂ հայ բնակչությանը տեղահանելու ցանկացած փորձ չի կարող ընդունվել միջազգային հանրության կողմից․ Օրսինի
Քաղաքականություն
20.09.2023 | 21:48
Իտալիայում ՀՀ դեսպանությունը տեղեկացնում է, որ Forza Italia-ի պատգամավոր, արտաքին հարաբերությունների հանձնաժողովի անդամ Անդրեա Օրսինին անդրադարձել է Լեռնային Ղարաբաղում տիրող իրավիճակին։
Օրսինին իր գրառման մեջ, մասնավորապես, նշել է, որ չի կարող չկիսել ԵՄ արտաքին քաղաքականության հարցերով բարձր ներկայացուցիչ Ժոզեպ Բորելի հրատապ կոչը՝ Լեռնային Ղարաբաղում ռազմական բոլոր գործողություններն անհապաղ դադարեցնելու վերաբերյալ։ Նրա պնդմամբ՝ պետք է վերադառնալ Լաչինի միջանցքի լիարժեք անցանելիությանը:
«Ստատուս քվոն բռնի փոխելու և այդ տարածքում հայ բնակչությանը տեղահանելու ցանկացած փորձ չի կարող ընդունվել միջազգային հանրության կողմից։ Հուսով եմ, որ Թուրքիան՝ ՆԱՏՕ-ում մեր կարևոր դաշնակիցը, նույնպես կարող է զսպիչ գործողություն իրականացնել»,- գրել է Անդրեա Օրսինին:
