30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իրանը չեղարկում է բոլոր չվերթները դեպի Հայաստան և Ադրբեջան
Քաղաքականություն
20.09.2023 | 17:45
Իրանի պետական ավիացիոն կազմակերպության ղեկավար Մոհամմադ Մոհամմադիբախշը IRNA գործակալությանը հայտնել է, որ Իրանը չեղարկում է բոլոր չվերթները դեպի Հայաստան և Ադրբեջան՝ «իրանցի ուղևորներին պաշտպանելու համար»։
«Այս տարածաշրջանի հատուկ պայմաններից ելնելով և ավիացիոն կազմակերպության NOTAM-ի համաձայն՝ այսօրվանից (սեպտեմբերի 20-ից) դեպի Հայաստան և Ադրբեջան բոլոր չվերթները կչեղարկվեն մինչև հետագա ծանուցումը»,- նշել է պաշտոնյան։
Ինչպես Factor.am-ը տեղեկանում է «Զվարթնոց» օդանավակայանի էջից, որոշ չվերթներ այլ երկրներ ևս չեղարկվել են։ Մասնավորապես՝ չեղարկվել են այսօրվա Սոչի-Երևան, Լառնակա-Երևան չվերթները, ինչպես նաև Երևան-Սոչի, Երևան-Հռոմ, Երևան-Ֆրանկֆուրտ չվերթները։
