ՀՀ ԳԱԱ Միքայել Քոթանյանի անվան տնտեսագիտության ինստիտուտի տնօրենի պաշտոնում ընտրվեց Մերի Մանուչարյանը

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Սույն թվականի սեպտեմբերի 20-ին ՀՀ Գիտությունների ազգային ակադեմիայի նախագահության նիստում ՀՀ ԳԱԱ Միքայել Քոթանյանի անվան տնտեսագիտության ինստիտուտի տնօրենի պաշտոնում միաձայն ընտրվեց Մերի Մանուչարյանը․ տեղեկացնում են ՀՀ ԳԱԱ-ից։

Մերի Մանուչարյանը ծնվել է 1982 թ-ին։ 2003 թվականին ավարտել է Հայկական գյուղատնտեսական ակադեմիայի տնտեսագիտական ֆակուլտետը, 2005 թ-ին՝ նույն ֆակուլտետի մագիստրատուրան։ 2005-2009 թթ-ին եղել է Հայաստանի ազգային ագրարային համալսարանի ասպիրանտ։ 2014 թ-ին ստացել է տնտեսագիտության թեկնածուի գիտական աստիճան, 2019 թ-ին՝ թեկնածուական ատենախոսությունների ղեկավարման ՀՀ ԲՈԿ–ի թույլատրություն, իսկ 2020 թ-ին՝ դոցենտի կոչում։

2005-2006 թթ-ին նա աշխատել է «Նաիրի ինշուրանս» ապահովագրական ՍՊԸ-ում՝ որպես տնտեսագետ։ 2011 թ-ից աշխատում է Հայաստանի ազգային ագրարային համալսարանում՝ որպես ասիստենտ, այնուհետև՝ դասախոս։ 2015 թ-ից աշխատում է ՀՀ ԳԱԱ Միքայել Քոթանյանի անվան տնտեսագիտության ինստիտուտում՝ կրտսեր գիտաշխատողից մինչև Տնտեսության իրական հատվածի հիմնախնդիրների բաժնի վարիչ։ 2018 թ-ից ՀՀ ԳԱԱ Միքայել Քոթանյանի անվան տնտեսագիտության ինստիտուտի գիտական խորհրդի և խմբագրական խորհրդի անդամ է, իսկ 2022 թ-ից նաև գիտության գծով փոխտնօրեն։

2018 թ-ին եղել է «Տեսական ուղղվածությունից անցում դեպի գործնական կրթության ագրարային ոլորտում (TOPAS) Էրազմուս + ՀԳ2» ծրագրի կատարող։

Մերի Մանուչարյանի հետազոտության ոլորտներն են՝ աշխատանքի էկոնոմիկա, ագրարային էկոնոմիկա, ջրային տնտեսության էկոնոմիկա, ապահովագրություն, նորարական զարգացման հիմնախնդիրները ՀՀ գյուղատնտեսության ոլորտում, վարկավորման դերը ՀՀ ագրարային ոլորտում, թվային տնտեսության դերը ՀՀ ագրոպարենային համակարգում, պարենային ապահովության հիմնախնդիրները ՀՀ-ում և կանաչ տնտեսություն և կայուն զարգացում։

Մերի Մանուչարյանը հեղինակ է 3 մենագրության, 3 մեթոդական ցուցումների և 80 գիտական հոդվածների, որոնցից 49-ը՝ միջազգային գրախոսվող ամսագրերում, 2-ը՝ «Scopus» և «Web of Science» գիտատեղեկատվական շտեմարաններում։ Նա դասախոսություններով հանդես է եկել եվրոպական մի շարք համալսարաններում։

Մերի Մանուչարյանը ներկայացրեց ՀՀ ԳԱԱ Միքայել Քոթանյանի անվան տնտեսագիտության ինստիտուտի 2023-2028 թթ-ի զարգացման ծրագիրը։ Նա նշեց, որ ինստիտուտի նպատակային և թիրախային խնդիրներն են լինելու կադրային քաղաքականության կատարելագործումը, մրցունակ ծրագրերի իրագործումը, համագործակցության ընդլայնումը, ճանաչելիության ապահովումը, գիտական վարկանիշի բարձրացումը, գիտական արդյունքների միջազգայնացումը, OJS համակարգի ներդրումը և նոր գիտական ուղղություններով հետազոտությունների ծավալումը։