07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Հռոմի պապը կոչ է արել դադարեցնել ռազմական գործողություններն Արցախում
Քաղաքականություն
20.09.2023 | 13:44
Հռոմի Ֆրանցիսկոս պապը կոչ է արել դադարեցնել ռազմական գործողությունները Լեռնային Ղարաբաղում և խաղաղ լուծումներ փնտրել՝ ի շահ ժողովրդի, գրում է ՌԻԱ Նովոստին։
«Երեկ անհանգստացնող լուրեր իմացա Լեռնային Ղարաբաղից, որտեղ զինված բախումների պատճառով սրվել է առանց այն էլ սուր հումանիտար իրավիճակը: Ես կոչ եմ անում բոլոր ներգրավված կողմերին և միջազգային հանրությանը՝ լռեցնել զենքերը և գործադրել բոլոր ջանքերը խնդրի խաղաղ լուծումներ գտնելու համար՝ ի շահ ժողովրդի և մարդկային արժանապատվության նկատմամբ հարգանքի»,- ասել է Հռոմի պապը Վատիկանի Սուրբ Պետրոսի հրապարակում։
Հիշեցնենք, որ սեպտեմբերի 19-ից ադրբեջանական զինված ուժերը հրետակոծում են Արցախի քաղաքացիական բնակավայրերը՝ թիրախավորելով քաղաքացիական բնակչությանն ու ենթակառուցվածքները՝ բնակելի շենքեր, դպրոցներ։ Ադրբեջանական զինված ուժերը քաղաքացիական բնակչության ուղղությամբ կիրառում են խոշոր տրամաչափի զենքեր, այդ թվում՝ հրետանի։
Հրետակոծությունների հետևանքով, այս պահի դրությամբ, կա 32 զոհ, 200-ից ավելի վիրավոր, այդ թվում՝ 7 զոհ (2 երեխա) և 35 վիրավոր (13 երեխա) քաղաքացիական բնակչության շրջանում։
