30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ալիևը Բլինքենին ռազմական գործողությունների դադարեցման իր պայմաններն է ներկայացրել
Քաղաքականություն
20.09.2023 | 12:52
Պաշտոնական Բաքուն ներկայացրել է Ադրբեջանի նախագահ Իլհամ Ալիևի և ԱՄՆ պետքարտուղար Էնթոնի Բլինքենի՝ նախօրեի հեռախոսազրույցի վերաբերյալ իր հաղորդագրությունը։
Մասնավորապես, Ալիևը հերթական անգամ կեղծիքներ է ներկայացրել՝ փորձելով արդարացնել Արցախի դեմ ադրբեջանական ագրեսիան, նաև ռազմական գործողությունների դադարեցման Բաքվի պայմաններն է ներկայացրել։
«Ղարաբաղի շրջանի հայ բնակիչների վերաինտեգրման հարցի վերաբերյալ Ալիևը նշել է, որ նրանց բազմիցս հրավիրել են երկխոսության, բայց ամեն անգամ հրաժարվել են հանդիպումներից։ Հակաահաբեկչական միջոցառումների ժամանակ նրանք կրկին հրավիրվել են երկխոսության։ Նա ասել է, որ եթե վայր դնեն զենքերը և հանձնվեն, ապա հակաահաբեկչական միջոցառումները կդադարեցվեն»,- ասվում է հաղորդագրության մեջ։
Հիշեցնենք, որ Բլինքենն Ալիևին կոչ էր արել անհապաղ դադարեցնել ռազմական գործողությունները՝ նշելով, որ ռազմական լուծում գոյություն չունի։
Էմմա Չոբանյան
