07.10.2026 | 23:48
Արթուր Դանիելյանը կալանավորվեց
Հենրիխ Մխիթարյանը կոչով դիմել է իր երկրպագուներին, սպորտի աշխարհին՝ օգնել Լեռնային Ղարաբաղում խաղաղությունը վերականգնելու համար
Քաղաքականություն
20.09.2023 | 10:12
Միլանի «Ինտերի» կիսապաշտպան, ֆուտբոլի Հայաստանի ազգային հավաքականի նախկին ավագ, Հենրիխ Մխիթարյանը ֆեյսբուքի իր էջում արված գրառմամբ կոչով դիմել է իր երկրպագուներին, սպորտի աշխարհին և մեդիա գործընկերներին արձագանքել ու օգնել՝ տարածելով ձայնը Լեռնային Ղարաբաղում խաղաղությունը վերականգնելու համար:
«Լեռնային Ղարաբաղում 120,000 խաղաղ բնակիչներ, ներառյալ 30,000 երեխա, ռազմական հարձակման է ենթարկվում:
Ադրբեջանը վերսկսել է պատերազմը Լեռնային Ղարաբաղի դեմ՝ հրետակոծելով խաղաղ բնակիչներին եւ քաղաքացիական ենթակառուցվածքները 9 ամսվա դիտավորյալ շրջափակումից, սովից և մարդասիրական հասանելիության մերժումից հետո:
Ինչպես ասել են փորձագետները – սա Ցեղասպանություն է:
Ես կոչ եմ անում իմ երկրպագուներին, սպորտի աշխարհին և մեդիա գործընկերներին արձագանքել ու օգնել տարածելու ձայնը՝ խաղաղությունը վերականգնելու համար:
Երեխաները թիրախ ՉԵՆ, 2 երեխա արդեն զոհվել է, 13-ը վիրավորվել»,- գրել է Մխիթարյանը։
