29.03.2026 | 21:13
Ֆինլանդիայում ուկրաինական երկու անօդաչու սարք է ընկել
ԵՄ անդամ գործընկեր երկրների հետ քննարկում ենք ԼՂ-ում հետագա էսկալացիան կանխելու տարբերակները․ Նիդերլանդների ԱԳ նախարար
Քաղաքականություն
19.09.2023 | 22:05
Նիդերլանդների արտգործնախարար Հանկը Բռաունս Սլոթը գրառում է կատարել X սոցիալական հարթակում՝ անդրադառնալով Ադրբեջանի կողմից Արցախի դեմ ռազմական հարձակմանը։
«Ծայրահեղ տագնապալի տեղեկություններ Լեռնային Ղարաբաղում ադրբեջանական հարձակումների մասին։ Այս ամենից խաղաղ բնակչությունն ավելի շատ կտուժի։ Նիդերլանդները կոչ է անում անհապաղ դադարեցնել այս ռազմական գործողությունը և վերսկսել կառուցողական երկխոսությունը Լեռնային Ղարաբաղի հայերի հետ։ Նիդերլանդները ուշադիր հետևում է իրավիճակին։ Մենք ԵՄ անդամ գործընկեր երկրների հետ քննարկում ենք հետագա էսկալացիան կանխելու տարբերակները»,- գրել է Սլոթը։
Ավելի վաղ տեղեկացրել էինք, որ Արցախի մարդու իրավունքների պաշտպանի գրասենյակի հաղորդմամբ՝ Ստեփանակերտի դիահերձարանից ստացված տեղեկատվության համաձայն՝ ժամը 20։00-ի դրությամբ Ադրբեջանի կողմից իրականացված ահաբեկչության հետևանքով կա 25 զոհ, որոնցից 2-ը խաղաղ բնակիչներ են։
