Քաղաքականություն
19.09.2023 | 22:37
Նորվեգիայի ԱԳՆ-ն անդրադարձել է Արցախում Ադրբեջանի զինված ուժերի լայնամասշտաբ ռազմական ագրեսիային։
«Հաղորդվում է, որ Լեռնային Ղարաբաղում հրետակոծությունից խաղաղ բնակիչների շրջանում զոհեր կան։ Ադրբեջանի ռազմական հզորության շարունակական օգտագործումը կարող է ստիպել հայ բնակչությանը փախչել տարածաշրջանից և ստեղծել հումանիտար աղետ։ Ամեն գնով պետք է խուսափել նման ողբերգությունից»,- ասվում է Նորվեգիայի ԱԳՆ-ի X-ի էջում հրապարակված հայտարարության մեջ։
Նշվում է, որ ամբողջ պատասխանատվությունը Բաքվի վրա է։
«Բաքվի վրա պատասխանատվության ծանր բեռ է դրված տարածաշրջանի հայ բնակչության անվտանգությունն ու բարեկեցությունն ապահովելու համար»,- ասվում է հայտարարությունում։
Էմմա Չոբանյան
