24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Շոյգուի գլխավորած պատվիրակությունն Իրանում է
Քաղաքականություն
19.09.2023 | 17:22
Ռուսաստանի պաշտպանության նախարար Սերգեյ Շոյգուի գլխավորած պատվիրակությունը ժամանել է Թեհրան՝ Իրանի ղեկավարության հետ բանակցություններ վարելու համար։ Այս մասին հայտնել է ՌԴ ՊՆ-ն, փոխանցում է BBC-ի ռուսական ծառայությունը։
Այսօր ավելի վաղ Tasnim-ը հայտնել էր, որ Շոյգուն երեքշաբթի երեկոյան կայցելի Իրանի մայրաքաղաք։ Իրանական գործակալությունը գրել էր, որ նա հանդիպելու է իրանցի բարձրաստիճան պաշտոնյաների հետ։
Ռուսաստանի դեմ արևմտյան պատժամիջոցների սահմանումից հետո Թեհրանն ու Մոսկվան խորացրել են երկկողմ կապերը, հատկապես՝ ռազմական ոլորտում, նշում է Reuters-ը։
Օգոստոսին Ռուսաստանի փոխարտգործնախարար Սերգեյ Ռյաբկովն ասել էր, որ Իրանի հետ Ռուսաստանի ռազմական համագործակցությունը չի ենթարկվի աշխարհաքաղաքական ճնշմանը՝ այն բանից հետո, երբ Վաշինգտոնը Թեհրանին խնդրել է դադարեցնել Մոսկվային անօդաչու թռչող սարքերի վաճառքը՝ Ուկրանիայի դեմ պատերազմում օգտագործելու համար:
