Քաղաքականություն
19.09.2023 | 22:31
ՌԴ Պետդումայի նախկին պատգամավոր, լրագրող, ռեժիսոր Ալեքսանդր Նևզորովը, որը ներկայում ՌԴ իշխանությունների կողմից ճանաչվել է որպես «օտարերկյա գործակալ», անդրադարձել է Արցախում Ադրբեջանի ռազմական ագրեսիային։
«Կան լուցկու, մակարոնեղենի, թանաքի, խոշտանգումների և այլնի թանգարաններ։ Բայց տակավին Ստորության թանգարան չկա։ Դառնալ այսպիսին առաջիկայում կարող է դառնալ Մոսկվայի Կրեմլը։ Պարզապես պետք է նրա բնակիչներին ընկղմել թափանցիկ տարաների մեջ և ցուցափեղկերում տեղադրել գաղտնի փաստաթղթեր, նոտաներ, մրցանակների վկայականներ և Կրեմլի այլ թափոններ:
Ղարաբաղում կրկին պատերազմ է։ Արցախի այսօրվա, վաղվա ու հավերժական արյան միջով փայլում է Պուտինի ծիծաղող դեմքը։ Նա երջանիկ է՝ վրեժխնդիր եղավ Հայաստանից «Հռոմի ստատուտին» միանալու փորձի, «ազատություն շնչելու» բոլոր փորձերի համար։ Արագորեն պատերազմ սկսելու մեխանիզմը խոսում է ռուս խաղաղապահների դավաճանական ժպիտների մասին, ովքեր «չեն տեսնում» արյուն և բոց, «չեն լսում» պայթյուններ և օգնության խնդրանքներ։
«Ադրբեջանն Արցախում ռազմական գործողությունները համակարգել է Ռուսաստանի հետ»,- ասվում է Ադրբեջանի Պաշտպանության նախարարության հայտարարության մեջ։ Թքելով բոլոր պայմանավորվածությունների ու խոստումների վրա՝ Պուտինը ցուցադրաբար Ղարաբաղը սրի քաշեց»,- գրել է Նևզորովը Տելեգրամի իր ալիքում։
Էմմա Չոբանյան
