30.05.2026 | 16:23
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Ադրբեջանը սկսել է Խորվաթիայի «Փոթորիկ» օպերացիայի սեփական տարբերակը. Լոուրենս Բրոերսը՝ Արցախում Բաքվի ագրեսիայի մասին
Քաղաքականություն
19.09.2023 | 20:37
Ինչպես և սպասվում էր՝ Ադրբեջանը սկսել է Խորվաթիայի «Փոթորիկ» օպերացիայի սեփական տարբերակը, ըստ երևույթին՝ հայաբնակ Ղարաբաղն ամբողջությամբ վերագրավելու համար։ Այս մասին գրել է Հարավային Կովկասի հակամարտությունները հետազոտող Լոուրենս Բրոերսը, գրում է BBC-ի ռուսական ծառայությունը։
«Հարձակման անմիջական պատճառը երեկ երեկոյան ականների պայթյունի հետևանքով վեց ադրբեջանցիների մահվան դեպքն է։ Բայց այս հարձակման համար բարենպաստ ֆոն է ստեղծվել մի քանի շաբաթվա ընթացքում հրադադարի խախտման և հայկական ուժերի կողմից նոր դիրքեր փորելու մասին Ադրբեջանի հակասական հաղորդումներով»,- գրում է Բրոերսը։
Նա նաև նշում է, որ վերջին շաբաթներին լայնորեն լուրեր են շրջանառվում Լեռնային Ղարաբաղի մոտ ադրբեջանական զորքերի կուտակման մասին։ Հաղորդվում էր նաև Իսրայելից Ադրբեջան նոր մատակարարումների մասին, որոնք վկայում են ռազմական գործողությունների նախապատրաստման մասին։
«Հաղորդվում է, որ ռուսական խաղաղապահ զորակազմը և թուրք դիտորդները «տեղեկացված» են։ Հարցը, որը շատերը կտան, դա Ռուսաստանի համաձայնության գինն է։ Կրեմլի դեմ հայկական բողոքները, Ռուսաստանի գրգռվածությունը նույնպես իդեալական ֆոն են ստեղծում նման գործողության համար»,- գրում է Լոուրենս Բրոերսը։
Ռուսաստանը հերքում է, որ նախապես տեղեկացված է եղել Բաքվի ծրագրերի մասին։
