24.07.2026 | 22:09
Ոստիկանները Մարտիրոս բնակավայրի 63-ամյա տղամարդու տանը հայտնաբերել են թմրամիջոց
Իսրայելի ՊՆ բարձրաստիճան պատվիրակությունը Բաքվում ռազմական համագործակցության հարցեր է քննարկել
Քաղաքականություն
19.09.2023 | 16:31
Բաքվում է Իսրայելի ՊՆ հերթական պատվիրակությունը։ Մասնավորապես, Ադրբեջանի ՊՆ ղեկավար Զաքիր Հասանովը նախօրեին հանդիպել է պաշտոնական այցով Բաքվում գտնվող Իսրայելի Պաշտպանության նախարարության գլխավոր տնօրեն Էյալ Զամիրի գլխավորած պատվիրակությանը։
«Հանդիպման ընթացքում Հասանովը գոհունակություն է հայտնել ադրբեջանա-իսրայելական հարաբերությունների ներկա բարձր մակարդակից։ Զամիրն էլ ընդգծել է նման հանդիպումների և փոխայցելությունների կարևորությունը՝ առկա համագործակցության հետագա ընդլայնման տեսանկյունից»,- ասվում է Ադրբեջանի ՊՆ հաղորդագրության մեջ։
Նշվում է, կողմերը մտքեր են փոխանակել Ադրբեջանի և Իսրայելի միջև ռազմական ոլորտում համագործակցության շուրջ։
Հավելենք, որ Իսրայելի ՊՆ ղեկավար Յոավ Գալանտը հուլիսի կեսերին այցով Բաքվում էր։ Նա հանդիպել էր Ադրբեջանի նախագահ Իլհամ Ալիևի, Զաքիր Հասանովի և այլ պաշտոնյաների հետ։
Ի դեպ, օրերս էլ տեղեկություններ տարածվեցին, որ Ադրբեջանը սեպտեմբերի 13-ին կայացած ՀՕՊ զորավարժություններին հաջողությամբ փորձարկվել է իսրայելական Barak MX հակահրթիռային պաշտպանության համակարգը։
Էմմա Չոբանյան
