15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Իրանն ազատ է արձակել ԱՄՆ հինգ քաղաքացու՝ 6 միլիարդ դոլարի ապասառեցման դիմաց
Քաղաքականություն
19.09.2023 | 13:03
Իրանի իշխանություններն ԱՄՆ են վերադարձրել հինգ ամերիկացիների, որոնք մի քանի տարի անցկացրել են իրանական բանտերում և համարվում էին պատանդներ։ Ի պատասխան՝ Թեհրանը մուտք է ստացել Հարավային Կորեայում 6 միլիարդ դոլարի իր հաշիվներին, գրում է BBC-ի ռոււսական ծառայությունը:
Գործարքը համաձայնեցվել է Կատարի իշխանությունների միջնորդությամբ, որոնց բանկերը ստացել են իրանական միջոցներ։ Փոխանցումը հաստատելուց հետո չորս տղամարդ և մեկ կին (որոնք նույնպես Իրանի քաղաքացիներ են) նստել են ինքնաթիռ, որը նրանց տեղափոխել է Դոհա։ Այնտեղ ամերիկացի պաշտոնյաները հանդիպել են ազատվածներին, և նրանք այժմ թռչում են Վաշինգտոն։
Ազատ արձակված ԱՄՆ քաղաքացիների թվում են 51-ամյա գործարար Սիամաք Նամազին (ով մոտ ութ տարի անցկացրել է Իրանի բանտում), 59-ամյա գործարար Էմադ Շարգին և 67-ամյա բնապահպան Մորադ Թահբազը (վերջինս ունի նաև բրիտանական քաղաքացիություն։
Միաժամանակ, ԱՄՆ-ն էլ ազատ է արձակել երկու իրանցու, որոնք ուղևորվել են Թեհրան, հաղորդել են իրանական լրատվամիջոցները։
