24.11.2024 | 15:26
Ուկրաինան կարող է ավարտել պատերազմը 2025-ին․ Զելենսկին սպասում է Թրամփի առաջարկներին
Հունաստանում երկու թուրք լրտես է ձերբակալվել
Քաղաքականություն
18.09.2023 | 18:44
Հունաստանի իշխանությունները լրտեսության մեղադրանքով ձերբակալել են երկու թուրք տղամարդու՝ այն բանից հետո, երբ պարզվել է, որ նրանք անօդաչու թռչող սարք են օգտագործել Պորոսում ռազմական օբյեկտների ուղղությամբ։ Այս մասին գրում է Gercek News-ը՝ վկայակոչելով հունական աղբյուրներին։
Նշվում է, որ դեպքը տեղի է ունեցել 2023 թվականի սեպտեմբերի 16-ին: Պորոսում գտնվող ռազմածովային ուժերի անձնակազմը կասկածել է տղամարդկանց՝ կենսական ռազմական նշանակության վայրերի մոտ նրանց անօդաչու թռչող սարքի գործողությունների պատճառով: Այդ կասկածների հիման վրա և հետևելով պաշտոնական արձանագրություններին՝ նավատորմը պաշտոնական բողոք է ներկայացրել, ինչը հանգեցրել է տվյալ անձանց ձերբակալությանը Մոնեմվասիայում:
Նախնական հետաքննությունից հետո մեղադրյալները տեղափոխվելու են Աթենք՝ Հունաստանի Ազգային հետախուզական ծառայության կողմից գործի մանրակրկիտ գնահատման համար:
Էմմա Չոբանյան
