02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
Ուկրաինան ԱՀԿ-ում հայց է ներկայացրել Լեհաստանի, Հունգարիայի և Սլովակիայի դեմ
Քաղաքականություն
18.09.2023 | 18:14
Կիևը դատական հայց է ներկայացրել Առևտրի համաշխարհային կազմակերպությանը (ԱՀԿ) Լեհաստանի, Հունգարիայի և Սլովակիայի դեմ՝ ուկրաինական գյուղատնտեսական արտադրանքի վրա դրված արգելքը չեղարկելուց հրաժարվելու պատճառով: Այս մասին հայտարարել է Ուկրաինայի էկոնոմիկայի և առևտրի փոխնախարար Տարաս Կաչկան, գրում է BBC-ի ռուսական ծառայությունը։
Սեպտեմբերի 15-ին Եվրամիությունը չեղարկեց ցորենի, գարու, ռապսի և արևածաղկի սերմերի արտահանման արգելքը Ուկրաինայից Լեհաստան, Հունգարիա, Սլովակիա, Ռումինիա և Բուլղարիա, որը սահմանվել էր մայիսի 2-ին այն բանից հետո, երբ Ուկրաինան խոստացավ միջոցներ ձեռնարկել՝ դեպի հարևան երկրներ արտահանման վերահսկողությունն ուժեղացնելու համար։
Նույն օրը Լեհաստանը, Հունգարիան և Սլովակիան միակողմանի արգելք դրեցին ուկրաինական գյուղմթերքների ներկրման վրա՝ պատճառաբանելով իրենց ֆերմերներին ուկրաինական գյուղմթերքի ալիքից պաշտպանելու անհրաժեշտությունը, ինչը հանգեցրեց գների իջեցման։
«Կարևոր է ապացուցել, որ այդ գործողություններն իրավաբանորեն ոչ իրավաչափ են։ Եվ այսպես, վաղը մենք կսկսենք դատաքննությունը»,- ասել է Կաչկան։
Նա հավելել է, որ Կիևը պատրաստվում է պատասխան միջոցներ ձեռնարկել լեհական մրգերի և բանջարեղենի արտահանման դեմ:
