15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
Ուկրաինայի ՊՆ-ն հայտնել է Բախմուտի ուղղությամբ հաջողությունների մասին
Քաղաքականություն
18.09.2023 | 20:24
Ուկրաինայի պաշտպանության արդեն նախկին փոխնախարար Աննա Մալյարը հայտնել է, որ ուկրաինացի զինվորականները հարավային ուղղությամբ հակագրոհի ընթացքում ավելի քան 260 քառ․ կմ է ազատագրել, իսկ Բախմուտի ուղղությամբ՝ 51 քառ․ կմ տարածք, գրում է BBC-ի ռուսական ծառայությունը։
Նրա խոսքով՝ ուկրաինացի զինվորականներն առաջ են շարժվում Մելիտոպոլի ուղղությամբ՝ վերջին շաբաթվա ընթացքում հարավային ճակատում ազատագրելով 5,2 քառ. կմ տարածք։ Մալյարը հայտնել է նաև, որ պաշտպանական ուժերը Բախմուտի մերձակայքում ազատագրել են 2 քառ․ կմ տարածք։
Ընդհանուր առմամբ, ուկրաինական հարձակման մեկնարկից ի վեր այս շրջանում ազատագրվել է 51 քառ. կմ տարածք։
Այսօր ավելի ուշ տեղեկություններ հայտնվեցին, որ Ուկրաինայի նախարարների կաբինետը պաշտոնանկ է արել պաշտպանության վեց փոխնախարարներին, ինչպես նաև նախարարության պետքարտուղարին։
Աննա Մալյարը, Վլադիմիր Գավրիլովը, Ռոստիսլավ Զամլինսկին, Դենիս Շարապովը, Անդրեյ Շևչենկոն, Վիտալի Դեյնեգան ազատվել են աշխատանքից. բոլորն էլ սեպտեմբերի 5-ին պաշտոնանկ արված պաշտպանության նախկին նախարար Ալեքսեյ Ռեզնիկովի տեղակալներն էին։
