15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
Ուկրաինայի ԶՈՒ-ն պատրաստվում է հզոր կերպով ճեղքել ռուսական պաշտպանությունը․ Զելենսկի
Քաղաքականություն
18.09.2023 | 14:39
Ուկրաինայի զինված ուժերը կարող են հզոր կերպով ճեղքել ռուսական պաշտպանությունը, և արդեն հայտնի է, թե դա որտեղ կլինի։ Այս մասին նախագահ Վլադիմիր Զելենսկին ասել է CBS-ին տված հարցազրույցում, որը հրապարակվել է սեպտեմբերի 18-ին։
«Բոլորն ուզում են, որ մենք ճեղքենք պաշտպանական գծերը, մենք իսկապես դա ենք ուզում»,- ասել է Ուկրաինայի նախագահը։
Նա նշել է, որ դա հեշտ ճանապարհ չէ՝ հաշվի առնելով, որ միայն Ուկրաինայի արևելքում 200 հազար ռուս զինվորական կա։
«Դա կլինի, ես դրանում համոզված եմ։ Չեմ կարող ասել, թե որտեղ կլինի ավելի արագ, չեմ կարող ասել։ Չեմ ուզում կիսվել տեղեկություններով, կներեք, որովհետև գիտեմ, թե որտեղ ենք պատրաստվում ճեղքել և հզոր ճեղքել: Ես իսկապես հույս ունեմ և հավատում եմ մեր զինվորներին, որ դա տեղի կունենա»,- ասել է Զելենսկին:
Նրա խոսքով՝ հարձակման ժամանակ դադարներ չեն կարող լինել եղանակային վատ պայմանների պատճառով․ նույնիսկ եթե որոշակի օրերին հնարավոր է լինում առաջ գնալ ընդամենը 100 մետր, պետք է այդքան առաջ գնալ:
Հիշեցնենք, որ հունիսին ուկրաինական զինված ուժերի հարձակման սկզբից նրանց հաջողվել է ազատագրել գրեթե 320 ք/կմ ուկրաինական տարածք։
