15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
Խերսոնում ռուսական զորքերի հարվածները երկու մարդու կյանք են խլել
Քաղաքականություն
18.09.2023 | 13:20
Անցած ամբողջ գիշերվա ընթացքում ռուսական զորքերի հրաձգության տակ գտնվող Խերսոնի շրջանում երկու մարդ է զոհվել, ևս երեքը՝ վիրավորվել։ Հարվածներ են հասցվել բնակելի շենքերի և բուժկետի։ Այս մասին հայտարարել է շրջանային ռազմական վարչակազմի ղեկավար Ալեքսանդր Պրոկուդինը։
Խերսոնում 72-ամյա տղամարդ է զոհվել, մեկ մարդ վիրավորվել է։ Կիզոմիս գյուղում արկը հարվածել է առանձնատանը․ տարեց կին է մահացել: Եվս մեկ մարդ վիրավորվել է, նրա վիճակը միջին ծանրությամբ տեղափոխվել է հիվանդանոց։ Օլգովկա գյուղում էլ 63-ամյա կին է վիրավորվել, նա նույնպես հոսպիտալացվել է, գրում է VOA-ն։
Ուկրաինայի ռազմաօդային ուժերի տվյալներով՝ հակաօդային պաշտպանության ուժերը խոցել են 24 անօդաչու թռչող սարքերից 18-ը և բոլոր 17 թևավոր հրթիռները, որոնք ռուս զինվորականներն օգտագործել են Ուկրաինայի վրա երկուշաբթի գիշերը հարձակվելու համար։
Օդեսայի մարզում ռուսական հարձակման հետևանքով վնասվել է քաղաքացիական օբյեկտ։ Պայթյուններ են լսվել Խմելնիցկիի շրջանում։ Բացի այդ, ըստ Ուկրաինայի զինված ուժերի, գիշերը թևավոր հրթիռները հասել են Խարկովի և Դնեպրոպետրովսկի շրջանների սահմանին։
