Քաղաքականություն
18.09.2023 | 13:54
Ուկրաինայի արևմտյան դաշնակիցները Ռուսաստանի հետ պատերազմում միջուկային էսկալացիայի անմիջական սպառնալիքի նշաններ ներկայում չեն տեսնում։ Նման հայտարարություն է արել ՆԱՏՕ-ի գլխավոր քարտուղար Յենս Ստոլտենբերգը Funke մեդիա խմբին տված հարցազրույցում, գրում է DW-ի ռուսական ծառայությունը։
«Մենք շատ ուշադիր հետևում ենք, թե ինչ է անում ռուսական բանակը: Մինչ այժմ չենք նկատել որևէ փոփոխություն ռուսական միջուկային ուժերում, որոնք կստիպեն մեզ արձագանքել»,- ասել է նա:
Միևնույն ժամանակ, Ստոլտենբերգն ընդգծել է, որ ՆԱՏՕ-ն պատրաստ է միջուկային զենքի կիրառման իրավիճակի։
«ՆԱՏՕ-ի նպատակն է կանխել պատերազմը, հատկապես՝ միջուկային պատերազմը: Մենք ունենք զսպման հուսալի միջոցներ»,- հավելել է նա:
