03.08.2026 | 22:59
Էրդողանի դաշնակից Բահչելին ու Օջալանն աջակցություն են հայտնել Թուրքիա-PKK խաղաղության գործընթացին
Նյու Յորքում Էրդողանը հանդիպել է Իլոն Մասկին ու հրավիրել Թուրքիայում Tesla-ի գործարան հիմնել
Քաղաքականություն
18.09.2023 | 12:57
Թուրքիայի նախագահ Ռեջեփ Թայիփ Էրդողանը նախօրեին ԱՄՆ-ում հանդիպել է SpaceX և Tesla ընկերությունների հիմնադիր Իլոն Մասկի հետ, գրում են թուրքական լրատվամիջոցները։
Հանդիպումից տարածված կադրերից պարզ է դառնում, որ Մասկը հանդիպմանը եղել է որդու հետ։ Մամուլի համար փակ ընդունելությանը ներկա են եղել նաև Թուրքիայի ԱԳ նախարար Հաքան Ֆիդանը, արդյունաբերության և տեխնոլոգիաների նախարար Մեհմեթ Ֆաթիհ Քաջըրը, Ազգային ժողովի արդյունաբերության, առևտրի, էներգետիկայի, բնական պաշարների, տեղեկատվության և տեխնոլոգիաների հանձնաժողովի նախագահ Մուսթաֆա Վարանքը և նախագահականին առընթեր թվային փոխակերպման վարչության ղեկավար Ալի Թահա Քոչը։
Հանդիպմանն Էրդողանը Իլոն Մասկին կոչ է արել Tesla-ի յոթերորդ գործարանը հիմնել Թուրքիայում։ Էրդողանը նաև խոսել է SpaceX-ի հետ համագործակցության հնարավորության մասին՝ Թուրքիայի տիեզերական ծրագրի իրականացման շրջանակում։ Նա նաև պատմել է Թուրքիայի տեխնոլոգիական առաջընթացի, Digital Turkey Vision ծրագրի և արհեստական բանականության ազգային ռազմավարության մասին։
Ըստ թուրքական կողմի՝ ի պատասխան՝ Մասկն ասել է, որ բազմաթիվ թուրք մատակարարներ արդեն աշխատում են Tesla-ի հետ, և որ Թուրքիան հաջորդ գործարանի առաջնային թեկնածուներից է։ Մասկը նշել է, որ իրենք ցանկանում են աշխատել թուրքական իշխանությունների հետ՝ Թուրքիայում Starlink արբանյակային ծառայություններ մատուցելու համար անհրաժեշտ լիցենզիա ստանալու նպատակով։
Հավելենք, որ Էրդողանն ԱՄՆ-ում է՝ մասնակցելու ՄԱԿ-ի Գլխավոր վեհաժողովի 78-րդ նստաշրջանին։
