«Կլեշչեևկան ազատագրված է, այն ուկրաինական է». Ուկրաինայի ԶՈՒ կապիտան

Ուկրաինայի զինված ուժերն ազատագրել են Բախմուտի մոտ գտնվող Կլեշչեևկա գյուղը, BBC-ին տված հարցազրույցում հաստատել է Ուկրաինայի Զինված ուժերի արևելյան խմբավորման մամուլի ծառայության ղեկավար, կապիտան Իլյա Եվլաշը։

«Մենք հաստատում ենք Կլեշչևկա գյուղի ազատագրումը։ Ազատագրումն իրականացվել է 80-րդ առանձին օդային հարձակման բրիգադի, 5-րդ առանձին գրոհային բրիգադի, ինչպես նաև ազգային ոստիկանության «Լյուտ» համատեղ հարձակման բրիգադի ստորաբաժանումների կողմից։ Կլեշչեևկան ազատագրված է․ այն ուկրաինական է»,- ասել է Եվլաշը։

Ուկրաինայի նախագահ Վլադիմիր Զելենսկին երեկոյան իր ելույթում շնորհակալություն է հայտնել զինվորականներին գյուղն ազատագրելու համար։ Ուկրաինայի պաշտպանության փոխնախարար Աննա Մալյարը հավելել է, որ այս գործողությանը մասնակցել է նաև 95-րդ օդային հարձակման բրիգադը։

Մինչ այս Ուկրաինայի նախագահի աշխատակազմի ղեկավար Անդրեյ Էրմակը  հրապարակել է ուկրաինացի զինվորականների լուսանկարը՝ Ուկրաինայի դրոշներով և նրանց բրիգադներով Կլեշչևկայի կենտրոնում գտնվող խարխուլ հնագույն տաճարի մոտ։ Ավելի ուշ այս վայրում նկարահանված տեսանյութ է հայտնվել։

Դեռևս հուլիսի 25-ին Ուկրաինայի Զինված ուժերի արևելյան խմբավորման պաշտոնական ներկայացուցիչ Սերգեյ Չերևատին ասել էր, որ Անդրեևկայի հնարավոր ազատագրումը կբարելավի ուկրաինական ուժերի մարտավարական դիրքը և հնարավոր կդարձնի Բախմուտի շրջակայքից զորքերը դուրս մղել ռուսական բանակը։