25.11.2024 | 17:43
«Դեմոկրատական այլընտրանք» կուսակցությունը մասնակցելու է Գյումրիի ընտրություններին
Իշխանությունը ստանում է 2, բայց այն չեմ նշանակելու Աշոտյանի ներմուծած համակարգով. Մարուքյան
Քաղաքականություն
06.07.2017 | 16:52
Իշխանության ամենատարբեր ներկայացուցիչներ այս ֆոնին շարունակում են հարստանալ: Նայելով այս կատարողականը՝ ամբողջ իշխանությունը իմ կողմից ստանում է 2: ԱԺ արտահերթ նիստին այսօր 2016թ. պետական բյուջեի կատարողականի քննարկմանը իր ելույթում նշեց Ելք խմբակցության պատգամավոր Էդմոն Մարուքյանը՝ հավելելով, որ այդ 2-ը Աշոտյանի ներմուծած նոր համակարգով չի նշանակելու, այլ սովետական համակարգով:
Իր հարցերը պատգամավորը հնչեցրեց ամբիոնից՝ նշելով, որ հենց այդ հարցերն են հետաքրքրում հանրությանը. «ՀՀ քաղաքացին սկսե՞լ է ավելի լավ ապրել: Այո՞, թե ոչ: Ես ասում եմ՝ ոչ: ՀՀ քաղաքացիները դադարե՞լ են արտագաղթելուց: Ոչ: ՀՀ գյուղերն այլեւս չե՞ն դատարկվում: Դատարկվում են: Վարկե՞ր եք վերցրել, արդյունավե՞տ են աշխատում: Ոչ: Ինչ հարց կա, ոչ է»:
