15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Թիվ 6/19 ընտրատեղամասում «Ականատես»-ի դիտորդն արձանագրել է քվեարկության գաղտնիության խախտում
Քաղաքականություն
17.09.2023 | 18:48
Թիվ 6/19 ընտրական տեղամասում «Ականատես» դիտորդական առաքելության դիտորդ Հերմինե Մովսիսյանը երկու խախտում է արձանագրել, որոնք գրանցվել են գրանցամատյանում: Դրանցից մեկը ընտրողի քվեարկության գաղտնիության խախտման հետ է կապված: Ընտրական տեղամասի այն հատվածում, որտեղ քվեախցերն են տեղադրված, բաց տարածություն է, որտեղից ցանկության դեպքում հնարավոր է տեսնել ընտրողի քվեարկությունը:
Դիտորդի կողմից խնդիրն արձանագրելուց հետո բաց հատվածում սեղան, դրոշ և այլ կահույք են տեղադրել, սակայն խնդիրն, ըստ էության, լուծված համարել չի կարելի: Գրանցամատյանում արձանագրվել է նաև, որ Մովսիսյանը ընտրատեղամասից դուրս տեսել է երեք անձանց, որոնք հետաքրքրվել են այլ ընտրողների` ընտրատեղամաս գալ-չգալով: Մովսիսյանը փորձել է մոտենալ նրանց և հարցեր ուղղել, սակայն վերջիններս հեռացել են:
Նշենք, որ այս ընտրական տեղամասում ընտրական ցուցակները պատշաճ փակցված չեն. դրանց մի մասը պարբերաբար քամուց հայտնվում է գետնին, հետո հանձնաժողովի անդամները գալիս ու կրկին փակցնում են:
Արաքս Մամուլյան
