30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
ԱՄՆ-ի խիստ զգուշացումը՝ Ադրբեջանին, ՀՀ-ԱՄՆ անվտանգային գործակցություն, ՌԴ բեռի մուտք ԼՂ՝ Լաչինը կբացվի՞․ ՏԵՍԱՆՅՈՒԹ
Քաղաքականություն
15.09.2023 | 21:02
«Ռուսաստանը շարունակում է աշխատել ԼՂ-ում շրջափակման հետևանքով ստեղծված կացության կարգավորման ուղղությամբ և՛ Բաքվի, և՛ Երևանի հետ»,- հայտարարում է Դմիտրի Պեսկովը։
Ըստ Կրեմլի խոսնակի՝ ՌԴ-ն «հիմա կողմերի հետ քննարկում է մի քանի տարբերակ»: Թեև Լեռնային Ղարաբաղի իշխանությունները համաձայնվեցին ռուսական հումանիտար բեռի մուտքին, սակայն նախնական պայմանավորվածությունը չգործեց և Լաչինի միջանցքը չբացվեց ՌԴ խաղաղապահների և Կարմիր Խաչի առաջ։ Դեռ պետք է սպասել՝ Ադրբեջանը կհամաձայնվի՞ Լաչինի վերագործարկմանը՝ ադրբեջանական բեռների մուտքի բացառման Ստեփանակերտի որոշման դեպքում։
ԱՄՆ-ից Բաքվին ուղղված ուղերձ հնչեց․ Միացյալ Նահանգները չի հանդուրժի էթնիկ զտումներ կամ այլ վայրագություններ Լեռնային Ղարաբաղի ժողովրդի նկատմամբ։
Սենատում Լեռնային Ղարաբաղում ճգնաժամի գնահատման վերաբերյալ լսումների ժամանակ պետքարտուղար Բլինքենի տեղակալի պաշտոնակատար Յուրի Քիմն այս հստակեցումից հետո ավելացրեց նաև․ «Մենք խորապես մտահոգված ենք Լաչինի միջանցքի շարունակական արգելափակմամբ և այն հետևանքներով, որ այդ արգելափակումը ունենում է Լեռնային Ղարաբաղի ժողովրդի վրա։ Այս հարցում ստատուս քվոն մեզ համար բացարձակ անընդունելի է, և մենք չեն դադարեցնի մեր աշխատանքը, մինչև լուծում չունենանք»։
Ինչպիսի՞ զարգացումներ են սպասվում։ Factor TV-ի տաղավարում հրավիրված քննարկմանը մասնակցում են Անվտանգային քաղաքականության հետազոտական կենտրոնի փորձագետ, քաղաքագետ Ռոբերտ Ղևոնդյանը, քաղաքագետ Սամվել Մելիքսեթյանը, քաղաքագետ Հարություն Մկրտչյանը, Հելսինկյան ասոցիացիայի նախագահ, իրավապաշտպան Նինա Կարապետյանցը։
Մանրամասները՝ տեսանյութում։
