24.02.2026 | 14:52
ԿԸՀ-ն սահմանել է ԱԺ ընտրությունների ծախսերի նախահաշիվը՝ 4 մլրդ 451 մլն 688 հազար դրամ
Բանկոմատը բացելու հեղինակը Մխիթար Ավետիսյանն է, Արմեն Բիլյանն ու Սմբատ Բարսեղյանը մեղադրվում են չկատարած արարքներում․ Պավել Մանուկյանը անուններ հնչեցրեց
Հասարակություն
18.07.2018 | 12:51
«Սասնա ծռեր» խմբի գործով անազատության մեջ մնացած Պավել Մանուկյանն այսօրվա դատական նիստի ընթացքում աղմկահարույց բացահայտում արեց՝ առաջին անգամ անուններ տալով․ «Բիլյան Արմենին էլ, Սմբատ Բարսեղյանին էլ մեղադրում են այնպիսի բաների մեջ, որոնք ընդհանրապես նրանք չեն կատարել։ Պատահական կրակոցով ձեռքից վիրավորված մարդը, որը հետո արյան վարակով մահացավ, այդ պատահական կրակոցի հեղինակը իմ մարտական ընկեր, իմ սիրելի ընկեր Էդվարդ Գրիգորյանն է, որի համար պատժվում է Արմեն Բիլյանը։ Բանկոմատը բացելու հեղինակը մեր սիրելի ընկեր Մխիթար Ավետիսյանն է։ Տղաների խափանման միջոցը փոխված է, բոլորը պիտի դուրս գան ի շահ պետության»,- հայտարարեց Պավել Մանուկյանը։
Հետաքրքիր էր նաև այն, որ նա առաջին անգամ դիմելով դատարանին, ասաց, որ որպես դատավորի ընդունում է Մեսրոպ Մակյանին:
«Ամենաճիշտ կրակելու տեղն այստեղ է՝ անարդարության ճակատին։ Քանի որ իմ և քո հայրենիքը տառապում է անարդարության ճիրաններում, մեր պետության սահմանները թուլանում են անարդարության պատճառով, ես Ձեզ որպես դատավոր տեսնում եմ և կխնդրեի, որ այդ դիրքը Դուք պահեք անարգել»,- Մակյանին ասաց Պավել Մանուկյանը։
Լիլիթ Շաբոյան
