Քաղաքականություն
15.09.2023 | 16:53
ԱՄՆ Կոնգրեսի հայկական հարցերով հանձնախմբի հիմնադիր համանախագահ Ֆրենկ Փալոնեն հայտարարել է, որ ամերիկյան Սենատում Արցախի վերաբերյալ լսումները լույս սփռեցին Ալիևի էթնիկ զտումների կանխամտածված արշավի վրա։ Այս մասին նա գրառում է կատարել X-ի իր միկրոբլոգում։
«Շնորհակալություն սենատոր Մենեդեսին Արցախում շարունակվող հումանիտար ճգնաժամի վերաբերյալ այս չափազանց կարևոր լսումներն անցկացնելու համար։ Սա օգնեց լույս սփռել Ալիևի էթնիկ զտումների կանխամտածված արշավի վրա, որը շարունակվում է Ադրբեջանի կողմից Լաչինի միջանցքի անօրինական շրջափակմամբ»,- գրել է Փալոնեն:
